YI KUMEKAKA KONA
RITO RO RHANGA
Eku simekiweni ka NER hi Dzivamisoko 1995, NER (Vulawuri bya Gezi bya Rixaka)
yi tibohile ku antswisa matirhele eka indhastri ya mphakelo wa gezi (ESI). Swipimelo swa matirhele swi vile swi tumbuluxiwa ni ku amukeriwa hi Vulawuri ku va swi tirhisiwa hi vaphakeri hinkwavo ku vonisisa leswaku vatirhisi hinkwavo va gezi va kuma ku pfuniwa hi ndlela yo ka yi nga ri ehansi ke levhele yo karhi. Wun?wana wa mintirho ya NER enkarhini wa sweswi I ku kambisisa loko ku ri leswaku vaphakeri va gezi va tirha hi ku landzelela swipimelo leswi vekiweke.
Vulawuri byi lemukile leswaku vatirhisi va gezi na vona va ni nkoka eka vulawuri lebyi. Ku ni ku tshembha ka leswaku loko vatirhisi va twisisa no tiva swipimelo swa matirhele leswi vekiweke swa vaphakeri va gezi, va ta kota ku hlohletela vaphakeri ku tirha hi ndlela yo antswa. Vatirhisi, hikwalaho, va fanele ku tiva levhele ya matirhele ya vaphakeri leyi vekiweke. Hikwalaho ka leswi, NER yi endlile tsalwa ra vatirhisi va gezi leri ri twisisekaka hi ku olova swinene ku tlula leri a ri ri kona khale.
Hi ni ku tshembha leswaku vatirhisi va ta hlaya hi vukheta swipimelo swa matirhele leswaku va ta kota ku pfuna NER eka xikongomelo xa yona xo kambela matirhele ya vaphakeri hinkwavo lava nga ni tilayisense.
Mufambisi-nkulu: Vupfuni bya vaxavi
NKOKA WA MATIRHELE YO PFUNA VATIRHISI VA GEZI LERO XAVA KUNENE (LERA KHADI)
LESWI NGA LE NDZENI
SWIPIMELO SWA MATIRHELE
XIKONGOMELO XA XIBUKWANA LEXI
TINHLAMUSELO TA NKOKA
VUTIHLAMULERI BYA MUPHAKERI
VUTIHLAMULERI BYA MUXAVI
SWIKOMBELO SWO NGHENISERIWA GEZI KUMBE SWO
ANDZISA MPHAKELO
MAHUNGU YA VAXAVI
TILEVHELE TA MATIRHELE TA TIMITARA TA GEZI RO XAVA (RA KHADI)
Mavekele ya michini yo xava eka yona gezi ra khadi
Minkarhi leyi michini yo xava gezi yi tirhisiwaka ha yona
Swivutiso mayelana ni ku kala xihoxo ka mitara ya gezi ro xava
Ndlela ya minkarhi ya makambelele ya timitara ta gezi ra khadi
Ku koneketa kambe mitara ya gezi ra khadi
NKAVANYETO WA MPHAKELO WA GEZI LOWU NGA PULANIWANGIKI
Tindhawu ta le madorobeni/leti hluvukeke
Tindhawu leti ta ha hluvukaka
Vatirhisi va gezi leri fambaka hi le henhla va le makaya
NKAVANYETO WA MPHAKELO WA GEZI LOWU PULANIWEKE
Tindhawu ta le madorobeni/leti hluvukeke
Tindhawu leti ta ha hluvukaka
SWIVILELO, SWIVUTISO NI SWIKOMBELO SWA VAXAVI
Swivilelo swa vaxavi
Swivutiso swa vaxavi
Swikombelo swa vaxavi
KU TLULA MILAWU YA NRS 048-2
KU DYONDZISA VAXAVI NI TIFORAMU TA VAXAVI
SWIPIMELO SWA MATIRHELE
NER yi vonile nkoka wo tumbuluxa swipimelo swa matirhele eka indhastri yo phakela gezi; swipimelo leswi vaxavi va gezi eka tindhawu to hambana va nga swi langutelaka, ni leswi vaphakeri va faneleke ku tikarhatela ku swi fikelela.
Vaphakeri va boheka ku nyika swiviko lembe rin?wana ni rin?wana mayelana ni matirhele ya vona hi ku landzelela swipimelo leswi vekiweke. Leswi I ndlela yin?wana yo kambisisa leswaku vaphakeri va tirha hi ku landzelela swipimelo leswi.
XIKONGOMELO XA XIBUKWANA LEXI
Xibukwana lexi xi endleriwe ku pfuna vaxavi va gezi ra khadi ku twisisa matirhele lawa va faneleke ku ma langutela eka vaphakeri va gezi ni ku tlhela xi va pfuna ku twisisa hi vundzeni NRS 047 hilaha yi va khumbhaka hakona.
Gezi ra khadi ri pfuna vaxavi ku xava gezi ka ha ri ni nkarhi naswona ntsengo wa gezi leri ri va ringaneke kumbe leri va nga kotaka ku xava rona. Leswi swi pfuna vaxavi ku ka va nga tikumi va ri ni tiakhawunti ta n?hweti leti va nga ta ka va nga koti ku ti hakela.
Xibukwana lexi xi tlhela xi letela vaxavi mayelana ni nkwetlembetano lowu nga vaka kona exikarhi ka vona ni muphakeri mayelana ni swipimelo swa matirhele.
Matirhele yan?wana ya le tlhelo lama nga tirhisiwaka hi muphakeri ko hlaya ya ya hi mpfumelelano lowu veke kona exikarhi ka muxavi ni muphakeri naswona a ya lawuriwi hi NRS 047.
Hambiswiritano, nkwetlembetano lowu nga vaka kona exikarhi ka muphakeri ni muxavi wu fanele ku herisiwa ku nga si rhumeriwa xivilelo eka NER.
NER yi nga ka yi nga ngheneleli ehandle ka loko minkwetlembetano yoleyo yi nga koti ku lulamisiwa eka levhele leyi yo sungula.
TINHLAMUSELO TA NKOKA
Ku ni marito lama tirhisiwaka hi xitalo eka indhastri ya mphakelo wa gezi hikwalaho I swa nkoka leswaku vaxavi va twisisa leswi matheme lawa ya vulaka swona.
Nkavanyeto wa gezi wo pulaniwa: Ku kavanyeteka ka gezi loku pulaniweke hi muphakeri loko ku karhi ku lunghisiwa swin?wana swa vuthekiniki kumbe loko ku andzisiwa mphakelo wa gezi.
Nkavanyeto wo kala wu nga pulaniwanga: Ku kavanyeteka ka gezi hikwalaho ka xihoxo eka mafambiselo ya gezi kumbe ku ohaka ka switirho swin?wana swa mphakelo wa gezi.
Mphakelo wa gezi wa le makaya: Mphakelo wa gezi wa le makaya ko fana ni le mapurasini laha ku nga si hluvukaka ngopfu kumbe laha ku pfumalaka swo fana ni mapatu.
Mphakelo wa gezi wa le madorobeni: Mphakelo wa tindhawu ta le madorobeni laha ku nga hluvuka swinene.
Mphakelo wa nkarhinyana: Mphakelo wa gezi lowu endleriwaka muxavi hi nkarhi lowu ku tshukaka ku humelele swin?wana leswi vangaka ku siveleka ka mphakelo nkarhinyana. Mphakelo lowu a wu landzeleli levhele ya swipimelo swa matirhelo leswi languteriwaka.
Vholoteji ya le xikarhi (medium voltage): yi tala ku tirhisiwa ku phakela gezi eka tiindhastri ni tindhawu letikulu ta mabindzu.
Thokeni ya gezi: rhisiti leri kumiwaka hi muxavi wa gezi ra khadi leri endlaka leswaku muxavi a kota ku tirhisa ntsengo wo karhi wa gezi ku ya hi ntsengo wa mali leyi a xavaka hi yona.
Muchini wo xava eka wona gezi: muchini lowu vekiwaka endhawini yo karhi leswaku vaxavi va gezi va kota ku xava ka wona tithokeni ta gezi.
Nkoka wa mphakelo: swipimelo leswi vekiweke ku pima nkoka wa matirhele eka mphakelo wa gezi swo fana ni tilevhele ta vholoteji, ku kavanyetiwa ka mphakelo, ni swin?w. tani hilaha swi kombisiweke ha kona eka xiyenge xa 2 xa NRS 048.
Vatirhisi va gezi ra akhawunti: Vaxavi va gezi lava gezi leri va ri tirhisaka ri pimiwaka hi mitara leyi hlayiwaka hi muphakeri kutani ku rhumeriwa akhawunti eka mutirhisi.
VUTIHLAMULERI BYA MUPHAKERI
Swipimelo leswi vekiweke ku ya hi NRS 047 Xiyenge xa 1 I vugima-ntsongo bya levhele ya matirhele ya muphakeri lebyi languteriwaka, kambe, hambiswiritano, vaphakeri va khutaziwa ku tirha ku tlula mpimo lowu va vekeriweke wona.
Loko muphakeri a tsandzeka ku fikelela levhele ya matirhele leyi a vekeriweke yona hikwalaho ka mayimele ya swilo lama ya n?wi bohaka ku tirha hi ndlela yoleyo a tirheke hi yona, a nga ka a nga chajiwi hi ku tsandzeka ku fikelela swipimelo leswi a vekeriweke swona. Mayimele lawa ya swilo ya katsa swo fana ni tinyimpi, vukhamba, switereka, tinghozi ta le mapatwini ni maxele lawa yo biha. Swikombiso leswi nyikiweke laha a swi helelanga , kambe swo pfuna ntsena ku kombisa ndlela leyi vapimi va nkoka wa matirhele ya vaphakeri va faneleke ku ehleketelela vaphakeri ha yona.
Loko ko tshuka ku vile ni nkwetlembetano exikarhi ka muphakeri ni mutirhisi wa gezi, muphakeri u fanele ku vonisisa leswaku u ahlula nkwetlembetano lowu hi ndlela ya mbulavurisano. Hi ndlela leyi, endzhaku ka ku rhumeriwa ka xivilelo hi mutirhisi wa gezi, muphakeri u fanele ku tivisa hi xihatla mutirhisi foramu, nkarhi ni ndhawu laha xivilelo lexi xi nga ta langutisisiwa kona.
I swa nkoka ku kombisa leswaku NER yi ta nghenelela ntsena loko mbulavurisano wu nga tswalangi mihandzu.
vutihlamuleri bya muxavi
I swa nkoka eka vaxavi ku landzelela milawu leyi vekiweke hi vaphakeri, ku nyika vuxokoxoko ni ku tatisa matsalwa lama faneleke xikan?we ni ku hakela mali leyi faneleke.
Loko ko tshuka ku vile ni nkala-mpfumelelano mayelana ni levhele ya matirhele, xikombiso, nkala-xihoxo eka mitara ya muxavi, I swa nkoka eka muxavi ku hakela mali leyi nga ta kombisiwa ku nga si endliwa ndzavisiso wa mhaka leyi. Mali leyi yi ta tlhela yi vuyiseriwa eka muxavi loko ko kumeka leswaku hi ntiyiso a ku ri ni xihoxo.
Muxavi u fanele ku nyika muphakeri nkarhi wo ahlula xiphiqo lexi a nga vaka a ri na xona a nga si yisa xivilelo xa yena eka NER naswona u fanele ku yisa ntsena xivilelo xa yena eka NER loko va tsandzekile ku fikelela mpfumelelano yena ni muphakeri.
SWIKOMBELO SWO NGHENISERIWA GEZI KUMBE SWO ANDZISA MPHAKELO WA GEZI
Sweswi NRS 047 yi kombisa leswaku loko munhu a endlile xikombelo hi ku tsala naswona a tatile hinkwato tifomo leti faneleke, eku endleni ka yena xikombelo xo ngheniseriwa gezi kumbe xo andziseriwa mphakelo wa gezi, muphakeri u fanele ku rhumela khotexini eka muxavi hi ku landzelela minkarhi leyi landzelaka leyi vekiweke:
wa masiku ya ntirho loko ku nga laveki ku koneketiwa mphakelo wuntshwa kambe kuri mhaka yo engetela tikhebulu eka ndhawu yo karhi.
Laha ku akiwaka vuako lebyi nga ta lava ku tirhisa vholoteji ya le xikarhi, muxavi ni muphakeri va fanele ku burisana hi nkarhi lowu khotexini yi nga ta nyikiwa ha wona.
Loko muxavi o amukela khotexini, a hakela ni timali hinkwato leti lavekaka ni ku fikelela swilaveko hinkwaswo leswi vekiweke hi muphakeri, muphakeri u fanele ku nghenisa gezi hi ku landelela minkarhi leyi kombisiweke laha hansi:
wa masiku ya ntirho laha ku nga tirhisiwaka mphakelo lowu a wu ri kona khale tin?hweti timbirhi laha ku nghenisiwaka vholoteji ya le xikarhi kumbe ya le hansi hi vuntshwa.
Laha ku akiwaka vuako lebyi ntshwa lebyi nga ta lava vholoteji ya le hansi kumbe ya le xikarhi leyintshwa, muxavi ni muphakeri va fanele ku burisana hi mhaka ya minkarhi.
MAHUNGU YA VAXAVI
Muphakeri wa gezi u fanele ku vonisisa leswaku vaxavi hinkwavo va gezi ra khadi va nyikiwa vuxokoxoko bya nkoka loko va koneketeriwa gezi. Leswi swi fanele ku endliwa hi ku nyika muxavi xibukwana eku koneketiweni ka gezi lexi nga ni vuxokoxoko lebyi faneleke.
Xibukwana lexi xi ta va xi ri ni vuxokoxoko lebyi landzelaka:
swileriso leswi hetisekeke swa matirhisele ya mitara ya gezi ra khadi.
Muxaka wa thokeni leyi faneleke ku tirhisiwa ni maxavele ya thokeni leyi.
Ntsengo wa matimba ya gezi, ntsengo lowu wu fanele ku kombisiwa eka michini hinkwayo leyi xavisaka tithokeni ta gezi.
Laha michini yo xavisa tithokeni yi kumekaka konani minkarhi leyi munhu a nga xavaka hi yona.
Nomboro ya riqingo ni adirese ya loyi muxavi a nga tihlanganisaka na yena loko a ri ni swiphiqo hi mitara.
Ndlela leyi muxavi a faneleke ku yi teka loko a vona onge ku ni xihoxo eka mitara ni ntsengo wa mali leyi muxavi a faneleke ku yi hakela loko a lava muphakeri a ta kambisisa xihoxo eka mitara.
Ndlela leyi muphakeri a faneleke ku yi teka loko a nga koti ku nghena a hlaya mitara endhawini yo karhi.
Goza leri muphakeri a faneleke ku ri teka loko o kuma leswaku muxavi u kavanyetile hi ndlela yo karhi mphakelo wa gezi xikan?we ni ndlela ya maxupulele.
Ndlela ya matimele ya gezi loko muxavi a komberile leswaku ri timiwa.
Ndlela yo kuma ha yona mali leyi muxavi a yi kolotaka .
Mali leyi yi kolotiwaka hi muxavi ku nga ha va ku ri leyi a yi ng ahakeriwanga eku nghenisiweni ka gezi nkarhi lowu nga hundza kumbe leyi muphakeri a yi hlanganiseleke loko muxavi a ri karhi a endla minkavanyeto yo lava ku tirhisa gezi mahala.
Ku cinca ka ntsengo lowu faneleke ku hakeriwa wa gezi ku fanele ku kombisiwa emichinini hinkwayo yo xava eka yona gezi ni hi tin?wana tindlela leti kotekaka.
LEVHELE YA MATIRHELE LEYI VATIRHISI VA GEZI RA KHADI VA FANELEKE KU YI LANGUTELA
Ku fikeleleka ka michini yo xava eka yona gezi ra khadi
Nhlayo ya michini yo xava eka yona gezi ra khadi ni tindhawu laha yi kumekaka kona swi ya hi nhlayo ya vanhu eka tindhawu hi ku hambana ka tona. Loko endhawini ku nga ri ni vanhu vo tala, swi nga durha ngopfu eka muphakeri ku veka muchini endhawini yoleyo. Hambiswiritano, tani hi xiletelo, muphakeri a nga veka muchini wo xava eka wona gezi eka mpfhuka wo ringana 5 wa tikhilomitara ku suka ekaya ka mutirhisi wa gezi. Loko ndhawu yi ri ni vanhu vo tala ngopfu, muphakeri a nga veka muchini wo tlula wun?we. Nakambe tani hi xiletelo hi ku angarha, muphakeri a nga veka muchini wun?we leswaku wu tirhisiwa hi vanhu vo ringana 2000.
Minkarhi leyi vanhu va nga xavaka tithokeni ha yona emichinini
Hikwalaho ka muxaka wa thekinoloji ya michini yo xava eka yona gezi, I swa nkoka leswaku vanhu va kota ku fikelela michini leyi hi minkarhi leyi amukelekaka. Van?wana va vaphakeri va veka michini leyi vanhu va nga kotaka ku xava tithokeni nkarhi wun?wana ni wun?wana esikwini.
NRS 047 wu kombisa leswaku loko michini ya muxaka lowu yi nga ri kona, ndhawu yin?wana laha vaxavi va nga kotaka ku xava kona gezi yi fanele ku kumeka , leyi yi nga ta pfuriwa ku sukela hi nkarhi wa 8:00 ku fika 12:00 hi ku hela ka vhiki ni hi tiholideyi, kambe exikarhi ka vhiki yi pfula hi tiawara ta ntirho.Minkarhi leyi nyikiweke laha hi leyi muphakeri a nga fanelangiki ku yi tlula handle ko engetela loko swi koteka.
Yin?wana michini yi nga pfariwa loko ku ri ni tin?wana tindhawu ekusuhani leti gezi ri nga xaviwaka kona loko yona yi pfariwile.
Swivutiso swa ku hoxeka ka mitara
Muxavi a nga kombela muphakeri ku kambela loko mitara yi nga ri ni xihoxo hi ku hakela mali yo karhi leyi vekiweke.
Mali leyi yi ta tlheriseriwa muxavi loko swo kumeka leswaku hakunene mitara a yi ri ni xihoxo. Vaxavi va fanele ku lemuka leswaku ntsengo wa yuniti ya matimba ya gezi (awara ya khilowati) eka mitara ya gezi ra khadi wu le henhlanyana eka ntsengo wa yuniti ya gezi lera akhawunti. Leswi swi endleriwa leswaku vaxavi va gezi ra khadi va hakelela ni mintirhirho leyi va yi kumaka endzhaku ka ku koneketeriwa gezi.
Muphakeri u fanele ku endla ndzavisiso wa loko mitara yi ri ni xihoxo hi 15 wa masiku endzhaku ka loko mali yo cheka mitara yi hakeriwile, ni ku tlhela a hakela muxavi mali leyi yi saleke eka mitara leyi nga ku chekiweni.
Ku kamberiwa ka timitara ta gezi ra khadi
Mitara ni hinkwaswo switirho leswi tirhisiwaka ku phakela gezi I swa muphakeri hikwalaho muphakeri u ni mfanelo yo nghena a kambela switirho leswi nkarhi wun?wana ni wun?wana lowu amukelekaka. Vaxavi hikwalaho va komberiwa ku pfumelela muphakeri kumbe vatirhi va yena ku nghena va kambela switirho leswi .Muphakeri ni vatirhi va yena va fanele va khoma tikhadi ta vutitivisi nkarhi hhikuva muxavi a nga va kombela ku ti humesa va nga si nghena ku kambela.Loko muxavi o ala leswaku muphakeri kumbe mutirhi wa yena va nghena endzhaku ka xikombelo ni ku titivisa, muphakeri u ni mpfumelelo wo tima gezi endzhaku ko n?wi tivisa hi papilla.
Ku koneketa nakambe mitara ya gezi ra khadi
Tani hilaha swi kombisiweke hakona, muxavi a nga kombela leswaku gezi ra yena ri timiwa hikwalaho ka swivangelo swo hambana. Leswi swi nga va swi endliwa hikwalaho ko lava ku engetela muako wa muxavi kumbe ku cinca matshamele ya mitara endlwini.
Muphakeri u na masiku mambirhi ku koneketa nakambe gezi endzhaku ka loko muxavi a n?wi komberile ku endla tano. Muxavi u fanele ku tsundzuka leswaku xilaveko lexi a xi tirhi loko gezi ri lo timiwa hikwalaho ka ku va ri kavanyetiwile hi vuxisi byo lava ku tirhisa gezi mahala.
NKAVANYETO WA MPHAKELO WA GEZI LOWU VANGIWAKA HI MINCHUMU YA NTUMBULUKO
Nkavanyeto wa gezi lowo ka wu nga pulaniwanga, lowu vangiwaka hi swihuhuri, ku onhaka ka switirho swa gezi, ni swin?w., swa humelela minkarhi yo hlaya. Loko leswi swi tshuka swi humelerile, muphakeri a nga ka a nga vi ni vutihlamuleri eka swona ehandle ka loko ko kumeka leswaku ku vile ni ku honisa ko karhi eka muphakeri. Ku honisa loku ku nga va kuri ku tsandzeka ka muphakeri ku hlayisa hi mfanelo switirho swa yena swa gezi. I swa nkoka ku va muxavi a tsala ehansi hinkwaswo leswi onhekeke, nkarhi ni siku leri swi humeleleke ha rona ni ku tlhela a tihlanganisa ni muphakeri hi xihatla loko mhangu leyi kombisiweke laha yo tshuka yi n?wi humelerile.
Ku kavanyeteka ka gezi ni ku leha ka nkarhi wo lunhisa swi ya hi ndhawu laha swi humelelaka kona, xik. Etindhawini ta le makaya ni le mapurasini swi nga humelela ko hlaya ku tlula emadorobeni naswona ku lunghisiwa swi nga hlwela ku tlula emadorobeni. Leswi swi endliwa hi ku hambana ka makoneketele ya gezi etindhawini ta le makaya ni le madorobeni.
Makavanyetele yagezi ni nkarhi wo lunghisa swa hambana etindhawini ta le madorobeni ku ya hi ndlela leyi gezi ri fambisaka xiswona, hileswaku, ku ya hi loko gezi ri famba hi le henhla kumbe hi le hansi. Ko tala emadorobeni, gezi ri tala ku fambisiwa hi le henhla.
Loko muxavi a karhateka hi ku tshama gezi ri ri karhi ri famba, u fanele ku tsala ehansi minkarhi leyi swi talaka ku humelela hi yona ni masiku ya kona kutani a tivisa muphakeri. Loko leswi swi nga pfuni nchumu muxavi a nga mangala eka NER. (Vuxokoxoko bya yona u nga byi kuma endzhaku ka khavhara)
Muphakeri wa gezi u fanele ku nyika vaxavi nomboro ya riqingo leyi nga ta tirha 24 wa tiawara laha vaxavi va nga kotaka ku mangala kona loko ku tshuka ku vile ni xihoxo xo karhi eka mphakelo wa gezi nkarhi wun?wana ni wun?wana wa siku. Xihoxo xin?wana ni xin?wana xi fanele ku nyikiwa nomboro leyi muxavi a nga ta yi tirhisa loko a lava ku landzelerisa xihoxo lexi a ximangaleke.
Muxaka wa swiphiqo leswi vangaka ku kavanyeteka ka gezi wa hambana swinene, hikwalaho a swi olovi ku nyika nkarhi lowu xihoxo xi nga kotaka ku va xi lulamisiwile hi wona. Hambiswiritano, muxavi a nga tiyisiseriwa leswaku swihoxo hinkwaswo swi ta lulamisiwa ku nga si hela 24 wa tiawara ehandle ka loko xihoxo xa kona xi ri lexi nga tolovelekangiki.
Leswi landzelaka laha hansi I swiletelo swa minkarhi leyi ku nga tshukaka ku ve ni ku kavanyeteka ka mphakelo wa gezi hikwalaho ka minchumu ya ntumbuluko eka mimphakelo hi ku hambana ka yona ku ya hi tindhawu:
Vatirhisi va gezi leri ri fambaka hi le henhla a va fanelanga ku famberiwa hi gezi ku tlula ka 6 elembeni kumbe ku tlula 12 wa tiawara elembeni.
Vatirhisi va gezi leri fambaka hi le hansi a va fanelanga ku famberiwa hi gezi ku tlula ka 5 elembeni kumbe ku tlula 12 wa tiawara elembeni.
Tindhawu leti ta ha hluvukaka
Vatirhisi va gezi leri fambaka hi le henhla a va fanelanga ku famberiwa hi gezi ku tlula ka 10 elembeni kumbe ku tlula 20 wa tiawara elembeni.
Vatirhisi va gezi leri fambaka hi le hansi a va fanelanga ku famberiwa hi gezi ku tlula ka 4 elembeni kumbe ku tlula 30 wa tiawara elembeni.
Vatirhisi va gezi lava tshamaka emakaya naswona va tirhisaka gezi leri fambaka hi le henhla
Vatirhisi va gezi a va fanelanga ku famberiwa hi gezi ku tlula ka 60 hi lembe kumbe ku tlula 200 wa tiawara hi lembe.
Swi le rivaleni ku ya hi leswi kombisiweke laha henhla leswaku vatirhisi va gezi leri fambaka hi le henhla va ni ku kavanyeteka ka gezi ko hlaya ku tlula lava tirhisaka leri fambaka hi le hansi. Leswi swi endliwa hikwalaho ka ku va tilayini ta gezi ro famba hi le henhla ti kavanyeteka hi ku olova hi maxele yo biha ni ku pfumaleka ka minchumu yo pfuneta loko ku vile ni ku kavanyeteka leyi koneketiweke eku nghenisiweni ka gezi.
Vaphakeri va tshama va ri ni nongonoko lowu kombisaka ndlela leyi makoneketele ya gezi endzhaku ka nkavanyeto ma faneleke ku fambisa xiswona ku ya hi nkoka wa tindhawu leti. Swibedlele, tikliniki ni tindhawu ta xilamulela mhangu swi nga rhanga swi koneketeriwa ku nga si langutisiwa tin?wana tindhawu. Vatirhisi lava nga ni michini yo pfuna vavabyi ku hefemula (life support machines) emakaya ya vona va fanele ku tihlanganisa ni muphakeri ku twanana hi ta malulamisele lama faneleke.
nkavanyeto wa gezi lowu pulaniweke
Loko ku lava ku engeteriwa mphakelo wa gezi emutini wo karhi, muphakeri u boheka ku tima gezi eka ndhawu hinkwayo ya le kusuhi. Hi minkarhi yo tala, muphakeri u fanele ku nyika xitiviso xo timiwa ka gezi eka vatirhisi 48 wa tiawara swi nga si humelela. Muphakeri u ta tirhisa swihangalasa-mahungu leswi faneleke ku endla xitiviso lexi, a tivisa vatirhisi hi nkarhi, siku ni ntsengo wa tiawara leti gezi ri nga ta famba tona, loko swi nga ri tano, mutirhisi a nga yisa mhaka leyi eka muphakeri ku n?wi kombisa hi ku tlula ka yena xipimelo lexi.Leswi swi tirha ntsena laha ku nga lavekiki ku lunghisa ka xihatla ku tlula mpimo kumbe laha loko ko tshika ku nga lunghisiwi swi nga vangaka khombo eka vanhu.
Leswi landzelaka laha hansi I swiletelo swa minkarhi ya minkavanyeto leyi vatihisi va gezi ra khadi va nga yi langutelaka.
Tindhawu ta le madorobeni
Vatirhisi va gezi leri fambaka hi le henhla a va fanelanga ku famberiwa hi gezi ku tlula ka 2 elembeni kumbe ku tlula 6 wa tiawara elembeni.
Vatirhisi va gezi leri fambaka ki le hansi a va fanelanga ku famberiwa hi gezi ku tlula ka 1 hi lembe rin?wana ni rin?wana ra vumbirhi kumbe ku tlula ka 6 wa tiawara elembeni.
Tindhawu leti ta ha hluvukaka
Vatirhisi va gezi leri fambaka hi le henhla a va fanelanga ku famberiwa hi gezi ku tlula ka 3 elembeni kumbe ku tlula 6 wa tiawara elembeni.
Vatirhisi va gezi leri fambaka hi le hansi a va fanelanga ku famberiwa hi gezi ku tlula ka 1 elembeni kumbe ku tlula 6 wa tiawara hi lembe.
SWIVILELO, SWIVUTISO NI SWIKOMBELO SWA VAXAVI
Vaxavi vo tala va va ni ku tikeriwa swinene loko va lava ku yisa xivilelo kumbe ku kuma mahungu mayelana ni mhaka yo karhi.
NER yi nghenisile xiyenge lexi langutisaka mhaka leyi eka NRS 047.
Swivilelo swa Vaxavi
Vaphakeri va fanele ku ringeta hi tindlela hinkwato ku ahlula swiphiqo leswi va swi kumaka hi tiqingo kumbe leswi swi ngo tisiwa kunene nkarhi wolowo va swi kumaka ha wona hi ku burisana na muxavi ehandle ka ku hundzisela xivilelo emahlweni.
Loko xiphiqo kumbe xivilelo lexi muxavi a xi tisaka xi lava ndzavisiso, muxavi u fanele ku tivisiwa ku ng asi hela masiku mambirhi naswona xiphiqo lexi xi fanele ku lulamisiwa ku nga si hela mavhiki mambirhi.
Swivutiso swa Vaxavi
Laha nakona muphakeri u fanele ku ringeta hi tindlela hinkwato ku hlamula swivutiso ni ku nyika switsundzuxo xikan?we loko swi tisiwa hi vaxavi.
Loko swivutiso swi tisiwa hi riqingo kumbe muxavi a swi tisa hi nyama ku ri leswaku swi lava ndzavisiso muphakeri u fanele ku hlamula muxavi ku nga si hela 5 wa masiku.
Swikombelo swa Vaxavi
Endzhaku ko kuma xikombelo eka muxavi xo tsariwa kunene, muphakeri u fanele ku hlamula muxavi ku nga si hela mavhiki mambirhi.
Nhlamulo leyi yi fanele ku va yi ri ni vuxokoxoko hinkwabyo lebyi lavekaka ku kota ku fikelela xikombelo lexi endliweke.
KU TLULA MILAWU YA NRS 048-2
Tani hilaha NRS 047 yi tirhaka ni nkoka wa matirhele ya vaphakeri va gezi eka vaxavi, NRS 048 yona yi tirha ni nkoka wa mphakelo hi woxe lowu vaxavi va wu kumaka.
Vaxavi va gezi ra khadi va khumbhiwa ngopfu hi timhaka to fana ni vuhenhla kumbe vuhansi bya mphakelo wa vholoteji ni ku hlaya ka minkavanyeto leyo pulaniwa ni leyo ka yi nga pulaniwanga. Minkarhi ya malulamiselo ya swihoxo swa muxaka lowu yi kumeka eka NRS 047.
Xin?wana xa nkoka hileswaku muxavi u fanele ku nyika muphakeri nkarhi lowu amukelekaka ku lulamisa xiphiqo. Swin?wana swa swiphiqo swi nga lava leswaku muphakeri a endla ndzavisiso hi vundzeni, vupulani kumbe ntirho wa vuako ku ahlula xiphiqo, hikwalaho swi lava ku lehisa mbilu eka muxavi. Hambiswiritanio, vaphakeri va fanele ku tirha hi vutihlamuleri naswona xiphiqo xi fanele ku yisiwa eka NER ntsena loko muxavi a nga enerisiwi hi nhlamulo leyi a yi kumeke eka muphakeri.
KU DYONDZISIWA KA VAXAVI NI TIFORAMU TA VAXAVI
Tani hilaha swi kombisiweke hakona eku sunguleni, vaxavi va gezi ra khadi va fanele ku dyondzisiwa hi ta matirhisele ya gezi hi ndlela yo hlayiseka no ka ri nga tlangisiwi. NER yi lemukile mhaka leyi hikwalaho, swiletelo swa ndlela ya madyondzisele swi ta nghenisiwa eka NRS 047 ekaHambiswiritano, ku dyondzisa vaxavi hi ta matirhisele yo hlayiseka ya gezi I ntirho wa muphakeri hikwalaho, vaphakeri va nkarhi lowu taka. Swo tala mayelana ni dyondzo xikan?we ni mahungu lama faneleke ku fikisiwa eka vaxavi swi kombisiwile eka swiyenge leswi nga laha henhla. Hambiswiritano, I mfanelo wa vaphakeri ku dyondzisa vaxavi hi ta matirhisele ya gezi hi ndlela yo hlayiseka naswona leswi va nga swi endla hi ku nyika vaxavi swibukwana ni tiphamfulete ni ku endzela swikolo ni le makaya.
Nakambe, NER yi vonile leswaku vatirhisi vo tala va gezi ra khadi a va na switirho swo va pfuna ku va hlanganisa ni muphakeri , hambi ku ri vutitshembhi byo tihlanganisa na vona mayelana ni swiphiqo leswi va hlanganaka na swona.Ku lulamisa mhaka leyi, NER yi le ku ringeteni ka matshalatshala yo tumbuluxa tiforamu ta vaxavi laha swiphiqo leswi vaxavi va nga na swona swi nga humeseriwaka kona erivaleni.Swiletelo swa matumbuluxele ya tiforamu leti swa kumeka eka NER. (vona vuxokoxoko lebyi nyikiweke).
VULAWURI BYA GEZI BYA RIXAKA
ADIRESE YO TIHLANGANISA NI HOFISI
KU FIKELA TI 30 TA HUKURI
KU SUKELA TI 1 TA N?WENDZAMHALA
KU SUKELA TI 1 TA N?WENDZAMHALA
